Früst dat in d´Backsteen un Kluten,

liggt foothoch de Snee up de eer-

de Klootscheters möt doch na buten,

ehr bangt nich för Küll un för Weer!

Hurra, laat de Nordwind man brusen,

wi Klootscheters koen dat verknusen,

Hurra de Klootscheteree!

Wat sitt ji dor achtern Aben

un schüddelt vör Küll dat gebeen?

Mög ji jo in Pelzwark begraben,

dat kum noch de Nösspitz to sehn!

Hurra, laat de Nordwind man brusen,

us kellt nich Kopp, noch Kusen,

Hurra de Klootscheteree!

Well will nu to Hus woll blieven,

wenn ´t henn nu to Klootscheten geiht,

herut to dat fröhliche Drieven,

wor de Kloot dör de Luft henfleit!

Hurra, laat de Nordwind man brusen

un de Kloot uk wieder goot susen,

Hurra de Klootscheteree!

von Joh. Neil

zum 6. FKV-Winterfest in Westerstede 1913

Chronik Gerhard Gerdes

Thomas Dringenberg